ہچیسن پورٹس پاکستان نے ایک بحری جہاز پر TEUs کی زیادہ سے زیادہ ہینڈلنگ کا ایک اور ریکارڈ قائم کرلیا

کراچی۔ ہچیسن پورٹس پاکستان نے ایک بحری جہاز پر TEU کی سب سے زیادہ تعداد ہینڈل کرنے کا ایک اور ریکارڈ قائم کرتے ہوئے ایک یادگار سنگ میل حاصل کیا ہے۔ پاکستان میں پہلی مرتبہ ایک کنٹینر ٹرمینل نے مجموعی طور پر 36.92 گھنٹے میں VOR کی 149.49 موو فی گھنٹہ کے ساتھ 5419 یونٹس پر مشتمل 9334 TEUs کی ہینڈلنگ کی۔ ہچیسن پورٹس پاکستان ملکی معیشت کو نئی منازل تک لے جانے کے لئے پرعزم ہے۔

ہچیسن پورٹس پاکستان کے جنرل منیجر اور سربراہ کیپٹن سید راشد جمیل نے اپنے بیان میں کہا کہ ہمیں اس سنگ میل کے حصول پر فخر ہے، اس کا مقصد نئی منازل کو طے کرتے ہوئے ملک کو خوشحال مستقبل کی جانب گامزن کرنا ہے۔ تجارت اور نقل و حمل کی سرگرمیوں کیلئے کراچی کو جنوبی ایشیائی تجارتی مرکز میں تبدیل کرنے کا خواب پہلے سے زیادہ حقیقت کے قریب تر ہے۔